آباذر دوْل لو

(ه.ق – نين 13- نجو يو ايلليگين سونلاري و 14 – نجو يوز ايلليگين ايلك لري)

دوْل لو آباذر،شاعير،هنرلي و آذربايجانين سنتي موسيقي سينين كسين اوستاديدير،بو حالدا بو ده يرلي اينسان اورمو شهرينين اؤزونده تانينماميشدير.آباذر اورمودان ساييلان «دول» كندينده بير اكينچي عاييله سينده دوغولوب دور.ائينه ييب بؤيوك بير گنج اولاندان سونرا اينديكي گورجوستاندان اولان «بورچالي» بؤلگه سينه كؤچور.آباذر ه.ق- نين 14- نجو يوز ايلليگينين ايلك لرينه دك ياشاييرميش و عؤمرونون سونونادك اورادا قاليب و دونياسين ده ييشيب.او آذربايجان جومهورييه تينده هونر ايله آشيق صنعتينده بؤيوك اوستادلاردان ساييليرميش.بو ده يرلي اوستاد اوتايدا اولمايان آشيق هاوالارينين ايچينه بوتايداندا هاوالار قاتيبدير.اؤرنك اولاراق «دوْل هيجران هاواسي»- ني آد آپارماق اولار.اوستاد بو هاواني اؤز ماحالي «دول»- دان بورچالييا و بوتونلوكله آذربايجان جومهورييه تينه داشيييبدير.دول لو آباذر اورادا چوخلو شاگيردلر تربييه ائديبدير،اونلارين ان آدليملاريندان،آشيق « حسين ساراچلي»- ني آد آپارماق اولار.آشيق آباذر شعر ده دئيه رميش و شعرلرينده «ابوذر» تاخما آديني(تخلص) ايشله ديبدير.

اوستادين قوشما بيچيمينده(نمونه) اولان شعرلريندن بير اؤرنك:

«دولانديرير»

ائي آغالار بير زمانه گليبدير

دؤولتلي يانيندا قوُل دولانديرير

كسيليب محبّت ياد اولب حؤرمت

ايندي زمانه ني پول دولانديرير

كؤچ ائيله ييب بو دونيادان كؤچمه ين

اينسانليغين شربتيني ايچمه ين

ائوده آروادينا سؤزو كئچمه ين

كنددا اولوب ايندي ائل دولانديرير

«ابوذر» احوالين اولدو ايندي پريشان

اوزونده خال لارين دُردانه نيشان

بي غيرت قوهومدان ناموسلو دوشمان

گلسه قبريم اوسته گول دولانديرير.

ـ توركجه يه چئويريب،حاضيرلايان: ائلمان اورمو اوغلو

قايناقلار:

ـ نام آوران اورميه،ص 181

ـ تذكره شبگرد،ص 218

ـ مجموعه مجموعه مقالات(در مورد ادبيات آذربايجان)،صص 32 و 33

گؤنده ر