4 صيفيرين، ميللي پولدان سيلينمه سي

بيلييينيز و ائشيتدييينيز كيمي ايراندا ميللي پوللاردان 4 صيفيرين  آزالماسي خبرلرده ياييلير.اينديسه مركزي بانك اؤز وبسايتيندا( http://reform.cbi.ir/ ) بير باخيش بيلمه يولا ساليب و اوردا نئچه آدي سس وئرمك اوچون قويوبدور.

بو باخيش بيلمه ده ريال، تومان، پارسي و دريك آدلاري قويولوبدور، آما بو آدلارين ايضاحي:

1. ريال : بو كلمه اسپانياجادير و بعضي عربي اؤلكه لردهده قوللانيلير.ايراندا رسمي پولون آديدير و فقط رسمي يازيلاردا ايستيفاده اولونور.

2. تومن (تومان) : بوتون ميللتين آراسيندا قوللانيلير و آليش وئريشلردن غير رسمي اولاراق ايستيفاده ائديلير.تومن توركجه كلمه دير و چوخلو تورك شاهلارينيندا رسمي پولو اولوبدور و فاشيست پهلوي رئژيمي بو آدي سيليب، ريال آدين گتيريبدير.آما هئچ زامان تومن ميللت آراسيندا گئتمه ييب.

3.پارسي‌: يئني بير پول واحيدي اوچون سئچيلن بير آد.بو آد شوونيزمين تاثيري آلتيندا سئچيليب و اوزده ده ايستكلري بو آدي سئچمكدير.پارسي افغانيستاندان تبعيت ائديلرك گؤتورلوبدور.اورادا پول واحيدي افغاني دير و اوردان تقليد اولوناراق گرك ايراني آدي سئچيلردير!!

بو آد بوتون غير فارسلارا توهين ساييلير و يالنيز ايراني فارس گؤسترمك نييت ايله سئچيلمكده دير!!

4. دريك : بو آد هخامنشيلرين شاهي داريوشون آدي و اونو رسمي پول واحيديندن سئچيليبدير و بللي اولدوغو كيمين «پارسي» آدينا تاي بير شوونيزم دوشونجه سين داشييير.بو آدي دئمكده ديله قولاي گلمير و اينديدن بو آد باطيلف ساييلير.

بوردا بوتون ميللت « تومان » آديني ائشيديب و بونو رسمي بير آد پول واحيدي اوچون قبول ائديبدير و خالقا حورمت ائدرك گرك رسمي پول واحيدي ادي سئچيلسين.

سيز حورمتلي گؤرشوچولر ده آشاغيداكي آدرسه باش ووروب عضو اولاندان سونرا «نظر سنجي» بؤلومونده «تومان»ا سس وئرين.

http://reform.cbi.ir/tabid/36/Default.aspx

گؤنده ر