|
بلاقا گؤره تانري آديلا عزيز گؤروشچولر وبلاگيما خوش گليبسيز بورادا آذربايجانا گؤره مطلب لر اولاجاق و اومود ائديرم راضي اولاجاقسيز سيزين ده يرلي گؤروش لرينيز و يوروملارينيزي گؤزله ييرم ساغ قالين ----------------------------------------- بنام خدا با سلام من در اين وبلاگ ناچيز هدفم خدمتگذاري به آذربايجان و پاسداري از زبان توركي آذربايجانيست انشاالله كه از مطالبم راضي باشيد با تشكر بؤلوم لر
یولداش لار
سورغو سایغاج
Upload Music 
Azərbaycan var olsun آذربايجان وار اولسون آذربايجان اورييمي ياشادان تكجه سنسن.. ۲۲ شهريور ۱۳۹۰ :: نويسنده : ائلمان اورمو اوغلو
«استاد شهريار» سؤزلر مولكونون سولطاني پرويز يكاني زارع(ائليار)  آشيق دئــير بيـر نــازلي يار واريميش عشـقينـدن اودلانـيب يانـار واريميش بير سازلي ســؤزلو شهريار واريميـش اودلار سؤنوب ، اونون اودو سؤنمه ييب اوستاد شهريار ، آذربايجان ميللتي نين ان پارلاق ميللي شاعيريديركي، » حيدر بابايا سلام « پوئماسين يازماقلا ايران و بوتون شرق اؤلكه لرينده گئنيش شؤهرت قازانميشدير. اونون شعيري او قدر گؤزل ، صميمي و آخارديركي: اديبلر به يه نيب، شهر اهلي قارشيلاييب، كندليلر باغرينا باسيب، خاصه لر خوش سؤيله ييب، كوتله ايچري ديللر ازبري اولور ، و شؤهرتي هر ايكي تورك و فارس ديللرينده و ادبيات عالم لرينده دانيلماز و يوكسك دير.آدي اؤلمز شهريار، اؤزونون پارلاق شاعيرليك باجاريغي ايله نه تكجه ايران و آذربايجاندا بلكه ده ياخين شرقده مشهور اولموش، و پوئتيك ايرثي مئيدانا چيخديغي ايلك گونلردن، بوتون ادبيات سئوه رلرين ديقّتيني جلب ائتميشدير. شهريارين چاغداش ادبياتيميزا و موعاصير شعريميزين گؤركملي ائلچيلر سيراسيندان آييرماق هئچ وجهيله اولاسي دئييل. بوتون منجه ايكي اؤنملي سببي اولا بيلر: بيرينجيسي شهريارين ياراديجيليغي و ايكينجيسي خالقيميزين رئال صنعت و صنعتكارا گؤسترديگي سئوگي و حؤرمتدير. شهريار فارس قزل و قصيده سينين آز تاپيلميش اوستادي اولدوغو كيمي، يئني شعيرين ده باجاريقلي ائلچي سيدير. اونون « اي واي آنام »،« سهنديه » و « آذربايجان » پوئزييالاري، يئني شعيرين گؤزل اؤرنكلريندن ساييلير. اساس اعتيباريله « يئني ليك مكتبي » هر زاماندا آذربايجان آديله آياقداش دير و آذربايجان شاعيرلري هامي اؤلكه لر و هامي ميللتلردن قاباق تام دويغولوقلا قادير اولدولار » قه جر« دؤورونون اؤزه لليكله ادبي دؤنوش دؤورونون شعير سبكي نين ويرانه لري اوسته ، بير يئني و كؤنول آچان ساراي سالسينلار. ئنجه كي شعيرين ميثيل سيز اوستادي و سؤز ديارينين « شهرياري » بير مكتوبوندا نيمانين اوغلونا، بو واقعيته تصديق دامغاسي ووردو. و شهريارين سهنديه سينين سربست فورمادا سؤيله نيلمه سي، شهريارين چاغداش ادبياتيميزدا بؤيوك قدرته ماليك اولماسيني گؤرسته رير. روحو شاد بهجت تبريزلينين ادبي ايرثي، ايران ادبياتينين ان گئنيش تبليغ ائديلن اؤرنه يي اولموشدور. دؤرد يوز ايلدن سونرا، حافظ شعرينين اوستونه شعير دئين شهريار، طيليسمي سينديراراق، بيرده باشدان قزلي فارس ادبياتيندا اوره يه ياتان شعير ژانري ائتميشدير.شهريار قزللرينده سئوينج و سئوگي، كؤهنه بير ميراث كيمي يوخ ، بلكه ياشاييش قانيله ديريلدير، و هر حالدا شاعير حياتي نين بير دؤورونه حصر ائدير. شاعير سئوينج دن سؤز آچاندا، صميمي و ساده فورمادا دويغولاريني تميز و شاعرانه بير يول ايله ديله گتيرير و ائله بو ديل ايله اوره گين بيرلييي، شاعير ليريكاسيني شيرين، سئويلمي و گؤزه للنديرير. . آرديني اوخو  گؤنده ر
بؤلوم : ادبيات ۳۱ تير ۱۳۹۰ :: نويسنده : ائلمان اورمو اوغلو
ايكي قوردون دؤيوشو
بير گون، بير قيزيل دريلي قوجا، نوه سينه ياشاييش حقيقت لريندن بئله دئيير: «هر اينسانين ووجودوندا هميشه ايكي قوردون دؤيوشو كيمين، بير دؤيوش آخيني وار. قوردلارين بيري پيسليك سمبوللاردير؛ اؤرنك اوچون يالان، پاخيلليق، گيجيكليك و .. دير و باشقاسي ايسه، سئوگي، اومود، ياخشيليق و حقيقت سمبولودور.» بؤيوك آتانين دانيشيقلاري نوه ني دوشونجه يه ساليب، سونرا سوروشدو: « بؤيوك آتا، سونوندا هانسي قورد دؤيوشو قازاناجاق؟» بؤيوك آتا گولومسه ييب، « يئمك وئردييين قورد» - دئدي. توركجه يه چئويرن : ائلمان اورمو اوغلو گؤنده ر
بؤلوم : ادبيات ۲۸ تير ۱۳۹۰ :: نويسنده : ائلمان اورمو اوغلو
۲۰ تير ۱۳۹۰ :: نويسنده : ائلمان اورمو اوغلو
اونون آدي ائلمان...
...نئچه گوندن سونرا آتا اولوردو،گئجه ساعات اون بيريدي و يوخوسو گلميردي،آروادي ايسه شيرين يوخويا قاچميشدي.آراز اوره يينده تانريلا دانيشيردي: تانريم سندن ساغ-سالانات بير اوشاق ايسته ييرم،اؤزون بيليرسن منه قيز-اوغلان هئچ فرق ائتمير و يالنير ساغلام اولماغي بيزه يئترليدير.. ايكي گون او اضطرابلي گئجه دن اؤتموشدو و آراز ايش باشيندايدي،جيب تئلفونو زنگ چالدي،آناسينين سئوينج سسيدي: آراز! اوغلوم،تئز آزربايجان خسته ائوينه اؤزونو يئتير،آتا اولورسان! بير آتا اوچون،بونداندا خوش بير خبر اولورمو؟! گؤزلمه زاليندا بويان- اويانا گئديردي، خانيم دوكتور عمل اوتاغيندان ديشاري چيخيب و آتا اولماق خبريني آرازا وئردي،سئوينجيندن هارار چكيب تانريدان تشككور ائتدي.. اوچ آي او گوندن كئچميشدي و كؤرپه نين سيجيللي سي آلينماميشدي،بير يانداندا هامي آرازلا ساواشا قالخيب تئز بير آد سئچ سيجيللي آل دئييردي،آما آراز اؤز ايسته ييندن واز كئچميردي و اؤزوم ايسته ديگيم آدي قوياجاغام دئييردي.. سونوندا اؤلكه نين باش كنديندن سونونجو مكتوب گلدي و آراز ايكينجي كز اولاراق آتا اولماغينا سئوينيب گؤيلره اوچدو،اونون وئرديگي آد قبول اولونموشدو و اوچ آيليق كؤرپه نين ايني كيمليگينده آدي يازيلاجاغيدي و اودا آراز دئين آد؛ائلمان..
يازان:ائلمان اورمو اوغلو گؤنده ر
بؤلوم : ادبيات ۱۹ تير ۱۳۹۰ :: نويسنده : ائلمان اورمو اوغلو
اورمو اي آغالار گلين سيزه سويله ييم اوچ يوز آتميش پارا كندي اورمونون هر اؤلكه ده شهرتي وار بحثي وار گؤزل هنرلري فندي اورمونون
بكشلو- برادوست – زيوه ماحالي نازلي چاي – باراندوز – روضه صفالي شور دنيزي خسته لره شفالي گزمك اوچون واردي بندي اورمونون
چول تره سي اوغلان اوتو قازياغي صفالي دير بوستانچي نين چارداغي سوت قاتيغي بال خاماسي قايماغي شهرتي وار بيرده قندي اورمونون
سليمان اورمويا بير دم قيش گلير بير دم يئللر اسير قار ياغيش گلير باشين قار آلاندا ايلي خوش گلير اطرافيندا داغ كمندي اورمونون
سليمان هاشم زاده گؤنده ر
بؤلوم : ادبيات ۱۹ تير ۱۳۹۰ :: نويسنده : ائلمان اورمو اوغلو
گول آذربايجان
گؤنده ر
بؤلوم : ادبيات
یارپاق لار : 1
|
||
باغلانتی لار
سون یازیلار
آرشیو
|
||
