آشيق درويش وهاب زاده

(اورميه آدليملاريندان،1372 – 1302 ه.ش)

آشيق درويش فرهاد اوغلو 1302 – نجي گونش(شمسي) ايلينده اورميه نين «كوردلر» كندينده دونيايا گؤز آچميشدير.او ده يرلي اوستاد آشيق فرهاد كيمي آذربايجانين سنتي موسيقي سينين آدليملاريندان ساييلير.آشيق درويشين گؤزل،ايستي و صميمي سه سينه گؤره آشيق فرهادين شاگيردي اولموشدور.درويش چالان ساز سه سي جانلارا كئچيب و گؤزل سه سيله اونودولموش  اثرلره جان باغيشلاييردي.بو اونودولماز اوستاد 1372 ـ نجي ايلين قويروق دوغان(مورداد) آيينين دوققوزوندا،يدتميش ياشيندا گؤزلرين دونيايا يوموب،اؤز دوغوم يئريي اولان كوردلر كندينده تورپاغا تاپشيريلدي.

آشيق درويش ياشام بويو(هميشه ليك) آذربايجانين سنتي موسيقي سيني سئورلرين اوره يينده قالاجاقدير و بو سه س اورميه اوچون قالارگر بير سه س اولوبدور.رحمتليك درويش ايرانين بوتون ميللي موسيقي فئستيواللارينا قاتيلب و يوكسك يئرلره ال تاپيب،اؤدول لر قازانيب دير.او نئچه ايللرده اورميه راديو،تلويزيونويلادا ايش بيرليگي آپاريبدير.او ده يه رلي اوستاد چوخلو شاگيردلرده موسيقي دونياميزا تربيه ائديب دير،اونلاردان،آشيق اسمعلي(اورميه – اونون بيرينجي شاگيردي)،آشيق صبور شريفي(اورميه)،آشيق عبدالله اشرفي(قورد تپه)،آشيق ذكريا ملكي(قولونجو)،آشيق رضا پوينده(سولدوز) و ...آد آپارماق اولار.

آشيق درويش،متين،ويقارلي و عاريف بير كيشي ايدي،دئمك اولار او خصلت ايله صنعت ده،اصيل و نمونه بير آشيق و اوزان دير.رحمتليك درويش آشيق صنعتينه اؤزونه مخصوص اولان نئچه هاوا ياديگار قويوب.اونلاردان «شكر يازي هاواسي» و «غربتي هاواسي» - ني آد آپارماق اولار.بو هاوالار اينديده اورمو آشيق لارينين آراسيندا يئنه ده چالينير.

ـ توركجه يه چئويريب،حاضيرلايان : ائلمان اورمو اوغلو

قايناقلار:

ـ تحقيقي در موسيقي سنتي آذربايجان،ص 25.

ـ نام آوران اورميه،صص 332و333.

كولوب سايتينا گؤندر

گؤنده ر